တိမ်တွေနောက်ကို တကောက်ကောက်လိုက်သွားမိတယ်
ကျတော့်မှာ ဂျစ်ပစီ မိုးတိမ် သီချင်းရှိတယ်
လမ်းများများလျှောက်ပြီး
မြို့ တွေဖြတ်ပြီး တိမ်တွေနောက်လိုက်တယ်
မရပ်နားဘူး ကျတော် တောက်လျှောက်လိုက်တယ် 
အခန်းနံပါတ် ၁၁၁ မှာ တည်းခဲ့တယ်
သံပူရည်လို လမ်းတွေပေါ် ဘယ်သူမှ
မယုံနိုင်လောက်ဘူး ကျတော် တိမ်တွေနောက်တောက်လျှောက်လိုက်လာတာ ။ ညီမလေးက သိပ်အံ့သြဟန်မပြဘူး။ အဲ့ဒါကို ကျတော်
ကျေနပ်မိတယ်။ ဒါပေမဲ့ပေါ့လေ
ဘဝမှာ ဘာမှ ရွေးချယ်စရာ မရှိဘူးဆို
ကျတော်တို့ ဘယ်ရင့်ကျက်လာမှာလဲ ။
ကျတော်ဟာ သိမ်ငယ်စရာလမ်းထဲ
မရေရာတာတွေ ကျောပိုးအိတ်ထဲ ခရီးဆောင်အိတ်ထဲ့ ထုတ်ပြီး
တိမ်တွေနောက် တောက်လျှောက် လိုက်လာတာပဲ ။ ဝမ်းနည်းစရာတွေကို
အိမ်အပြင် ပေးမထွက်ဘူး ကျတော်ဟာ
လမ်းတွေပေါ်မှာ ဘယ်လိုပျော်အောင်နေရမလဲ သိတယ်
လူတွေရဲ့ မျက်နှာပေါ်ကအရောင်တွေကို
အလွတ်ကျက်တယ် ။ တစ်ကယ့်အပြင်က
အရောင်တွေကို ကျတော် မခွဲတတ်ဘူး။
တိမ်တွေကရွေ့ နေတာပါပဲ ။
သူတို့ မှာ ဆုံးဖြတ်ထားတဲ့လမ်းကြောင်းမရှိဘူး
အဆင်ပြေရာသွားကြတာပဲ ။
လမ်းမပျောက်ဘူး ။ ကျတော်ကတော့ ။
ကျတော်တိမ်တွေနောက်တောက်လျှောက်လိုက်နေမိတယ် ။

Admin : မိုင်း 

Nerve (2016) Trailer Review

Nerve (2016)

Trailer Review လေးရေးမလို့ :D

“Nerve”

သရုပ်ဆောင်တွေ က Emma Roberts နဲ့  Dave Franco ။
ဒီနေရာမှာ ရုပ်ရှင်အကြောင်းထက် သရုပ်ဆောင်အကြောင်းအရင်ပြောချင်တယ်။
ဒီကား Trailer ကြည့်ပြီးတဲ့ သဘောကျသွားတဲ့တစ်ချက်ကတော့ မင်းသား မင်းသမီး ရွေးချယ်မှုပဲ (juz my opinion)
...

Dave Franco
2010 နောက်ပိုင်း ကောင်မလေးတွေ ကြွေတဲ့ စာရင်းမှာ ပါလာတဲ့ မင်းသားတစ်လက်ဆိုမမှားပါဘူး။သူ့ ကို လူသိများလာစေတဲ့ရုပ်ရှင်တွေက 21JumpStreet, 22JumpStreet, Now You See Me, Now You See Me 2 and Neighbors
ခေါင်းဆောင်မင်းသားအနေနဲ့ ပါဝင်ခဲ့တာမျိုးတော့ မဟုတ်ဘူး။
အခု NERVE က သူ ခေါင်းဆောင်မင်းသားအဖြစ်ပါဝင်မယ့်ဇာတ်လမ်း ။ ဟုတ်ပြီ Emma Roberts အကြောင်းဆက်ပြောမယ်။

Emma Roberts
ကိုယ့်အနေနဲ့ ပြောရမယ်ဆိုရင်တော့ AQUARMARINE ထဲမှာတည်းက ကြွေတာ ။
မင်းသမီးသုံးယောက်ထဲမှာ သူ့ ကို အကြိုက်ဆုံး ။ နောက်ပြီး သူ က သရုပ်ဆောင်တင်မဟုတ်ဘူး Unfabulous and More သီချင်း Album လည်းထွက်ခဲ့ဖူးတယ်။
သူပါဝင်တဲ့ လူသိများတဲ့ ရုပ်ရှင်တွေက AQUAMARINE, Scream 4, We are the millers 

…

Dave Franco and Emma Roberts , သူတို့ နှစ်ယောက်တော်တော်အတွဲညီမယ်လို့ မျှော်လင့်တယ်။ ဘာဖြစ်လို့လဲဆိုတော့ သူတို့ နှစ်ယောက်က Level လည်း မတိမ်းမယိမ်း ပဲ နောက်ပြီး ထူးခြားချက်က ရုပ်လည်း ဆင်တယ် ။ နှစ်ယောက်လုံးရဲ့ ပုံစံကလည်း လုံးဝ Fancy ဆန်တယ်။
…
NERVE ကလည်း Fancy အထာပဲ ။ ဇာတ်လမ်းပုံစံ က Online Game တစ်ခုကစား တဲ့အကြောင်း။ ဘယ်လို Game မျိုးလဲဆိုတော့ Truth or Dare ပုံစံ ။ Game ထဲမှာ Player ရှိတယ် Watcher ရှိတယ်။ Player တွေက Watcher တွေရဲ့ စိန်ခေါ်မှုကို လက်ခံပြီး အောင်မြင်အောင် လုပ် နိုင်လျင် လောင်းကြေးကို နိုင်တယ်။
အန္တရာယ်များလေ လောင်းကြေးများလေ ။ Emma Roberts က အဲ့ Game ကို ကစားဖို့ လက်ခံလိုက်တယ် ။
ပထမဆုံး စိန်ခေါ်မှုက စားသောက်ဆိုင်မှာ တွေ့ တဲ့ သူစိမ်းတစ်ယောက်ကို နမ်းရမှာ ။ အဲ့မှာ သူရွေးလိုက်တဲ့ 
သူ က Dave Franco ။ Dave Franco ကိုယ်တိုင် ကလည်း Nerve Player တစ်ယောက် ။ 

သူတို့ နှစ်ယောက်အတူ ကစားရင်း တဖြည်းဖြည်း စိန်ခေါ်မှုတွေက ကြီးလာတယ်။

စိန်ခေါ်မှုတွေကြီးလာတဲ့အလျောက် စိန်ခေါ်မှုတွေကို လွယ်လွယ်ငြင်းပယ်လို့ မရတော့တဲ့အခါ
စိန်ခေါ်မှုတွေအားလုံးကို အောင်အောင်မြင်မြင် ဖြတ်ကျော်နိုင်ပါ့မလား ၊
တစ်ခြား Player တွေရဲ့ အနှောင့်အယှက် တွေကရော ၊

Game ကို ပြီးတဲ့အထိ ဆက်မကစားပဲ ရပ်လိုက်ရင် Watcher တွေရဲ့ တုန်ြ့ပန်မှုက ၊

အသက်အန္တရာယ် ထိခိုက်စေမယ့် စိန်ခေါ်မှုတွေ ကိုရော ၊

ဒါတွေက Trailer ကြည့်ပြီး ထွက်လာတဲ့ မေးခွန်းတွေပါ ၊ ပြောရရင် Pokemon Go ခေတ်စားနေတဲ့အချိန်နဲ့တောင်တိုက်ဆိုင်တယ် ။
သူပေးချင်တဲ့ Message ကလည်း Online Game တွေ ကို စွဲစွဲလမ်းလမ်း ကစားမိလို့ မထင်မှတ် တဲ့ ပြသနာ တွေ ရင်ဆိုင်ရတယ်ဆိုတာမျိုးလည်းပါမယ်ထင်တယ် ။ (ဘာမှတော့မဆိုင်ပါဘူး :P)

- Super Hero ဇာတ်လမ်းတွေ များနေတဲ့ ဒီနှစ်မှာ “Nerve” ရဲ့ ဇာတ်လမ်း ပုံစံက ကြည့်ချင်စရာကောင်းတဲ့ ဇာတ်လမ်း စာရင်းထဲမှာပါတယ်။

- Emma Roberts နဲ့  Dave Franco တို့ ရဲ့  အဓိက သရုပ်ဆောင် အနေနဲ့ သရုပ်ဆောင်မှုကိုလည်း ကြည့်ချင်တယ်။ (တကယ်အတွဲညီမယ်လို့လည်းမျှော်လင့်တယ်)

- နောက်ဆုံးတစ်ခု က Trailer မှာပါတာ စိတ်ဝင်စားစရာ အကုန် ပဲဆိုတဲ့ ပုံစံမျိုး မဟုတ်လောက်ဘူး။
သြော် မေ့တော့မလို့  Machine Gun Kelly(MGK) ကလည်း Nerve Player အနေနဲ့ ပါသေးတယ်ဗျာ ။

ကဲအဲ့တော့ ရုံတင်မယ့်ကားတွေရဲ့  Upcoming List မှာ ပါနေတဲ့ ဒီကား “Nerve” ကို ကျနော်ကတော့ WatchList ထဲထည့်ထားလိုက်ပြီ။

Trailer Link - https://www.youtube.com/watch?v=AX1BTiHzq-I

Nerve (2016)
IMDB : 7/10

Admin: LookNyein

1920 အစောပိုင်းကာလတွေမှာ စတင်ပြီး surrealism ဟာယဉ်ကျေးမှုဆိုင်ရာ
အရွေ့ တစ်ခုဖြစ်လာခဲ့တယ် ။
စက္ကူ အမြင်ပိုင်းဆိုင်ရာ သရုပ်ဖော်ပုံ အနုပညာလက်ရာတွေနဲ့ စာရေးသားခြင်း အနုပညာတွေကနေ အထူးလူသိ ထင်ရှားလာခဲ့
တယ်ဆိုရမယ် ။သူ့ ရဲ့ ရည်ရွယ်ချက် ချိန်ရွယ်မှုဟာ ယခင်က ဝိရောဓိဖြစ်နေတဲ့
အိမ်မက်နဲ့ အမှန်တစ်ကယ်ဖြစ်ပျက်မှုတွေရဲ့ စိတ်အခြေအနေတစ်ခုကို
ဖြေရှင်းခြင်းဖြစ်တယ် ။

Admin ကတော့ Surrealism ပုံတွေကို အထူးနှစ်သက် သဘောကျ မိတယ် ။
အိမ်မက်နဲ့ အစစ်အမှန်ကြားထဲက အရာတစ်ခုခု ဘယ်လိုအရာမျိုးကိုမဆို ထိတွေ့ ခွင့်ရတယ်လို့ ခံစားရသလို ကိုယ်ပါ ပုံတွေထဲ တစ်ခါ တစ်ခါ စီးမျောသွားရတယ်။

အပေါ်က surrealism အကြောင်း တစ်ပိုင်း
တစ်လက်စလေးဟာ admin သိသလောက်
လေးမို့ မှာယွင်းတာ လိုအပ်တာလေးတွေရှိရင်
သီးခံနားလည်ပေးကြပါခဗျ ။

Admin - မိုင်း

တစ်ဖွာပြီးတစ်ဖွာ
တစ်ညပြီးတစ်ည
တစ်စီးပြီးတစ်စီး
ရထားတွေသာ ခုတ်ဖြတ်သွားတယ်
ခရီးသည်ကတော့ စောင့်ဆဲ
ကောင်းခြင်းတွေ ဘ၀ထဲရောက်လာဖို့ စောင့်တာမဟုတ်
စောင့်ခြင်းကသာ ဘ၀ဖြစ်ခဲ့တယ်
ကိုယ့်ကိုယ်ကိုအပေါ်တောင် အတ္တကြီးလိုက်လေခြင်း ....


Admin : ည

The Corrs

“ဘာမဆို ဖြစ်နိုင်တယ် ရင်မှာ အချစ်စစ် အချစ်စစ်ဆို
ကြယ်စင်လို မနက်ဖြန်များ တစ်ချိန်မှာ မင်းကို ဆီးလို့ကြို”

မတင်ဇာမော်ရဲ့ Show ပွဲရှိတယ်ဆိုတာ ဖတ်မိတော့ ဒီသီချင်းလေးကို ပြေးပြီးကြားယောင်မိတယ်
သူမဟာ ကျနော်တို့ ငယ်စဉ်က အလွန်အင်မတန် အရှိန်အ၀ါကြီးခဲ့တဲ့ အဆိုတော်တစ်ယောက်ပါ
ဒီသီချင်းလေးကို ပြန်သတိရမိတာနဲ့အတူ ဒီသီချင်းရဲ့ Original Singer တွေဖြစ်တဲ့ The Corrs အဖွဲ့ကိုပါ သတိရမိပြန်တယ် (Copy, Own Tune ကိစ္စများ လုံးဝမပါဝင်ပါ)
The Corrs အဖွဲ့ကို သိပြီးသူများအတွက်တော့ အထူးတလည် မိတ်ဆက်ပေးစရာမလိုလောက်ဘူးထင်ပါတယ်
မသိသေးသူများအတွက် ရည်ရွယ်ပါတယ် အကြမ်းထည်လောက်တော့ Wiki ခေါက်စရာမလိုအောင်ပေါ့

The Corrs ဟာ အိုင်းရစ် မောင်နှမ လေးဦးနဲ့ ဖွဲ့စည်းထားတဲ့ Pop Rock Band တစ်ခုပါ
သူတို့ရဲ့ထူးခြားချက်က Pop Rock သီချင်းတွေကို အိုင်းရစ်ရိုးရာသံစဉ်တွေနဲ့အတူ ပေါင်းစပ်ဖန်တီးနိုင်စွမ်းပါပဲ
Composing အပိုင်းမှာ သူတို့ကိုယ်တိုင်ရေးစပ်နိုင်ကြသလို တစ်ယောက်ချင်းစီမှာလည်း တီးခတ်နိုင်စွမ်းကိုယ်စီရှိကြပါတယ်
နောက်ပြီး လေးဦးစလုံးက သိပ်ချစ်စရာကောင်းတယ်ဆိုတာ ငြင်းမရတဲ့ အချက်ပါပဲ
သူတို့ရဲ့အောင်မြင်မှုတွေဟာ လူယဉ်ကျေးအောင်မြင်မှုလို့ဆိုရမလောက်ကို ငြိမ်းချမ်းခဲ့ပါတယ်

The Corrs တွေဟာ 1994 FIFA World Cup (Boston) နဲ့ 1996 Summer Olympics (Atlanta, USA) မှာ ဖျော်ဖြေဖို့ ကမ်းလှမ်းခံရမှုအပြီးမှာတော့ Celine Dion ရဲ့ Falling Into You Around the World Tour မှာ Supporting အဖြစ် ပါဝင်ခဲ့ပါတယ် ဒါတွေက ကနဦးအောင်မြင်မှုတွေဖြစ်လာတယ်

1995-2002 ဟာ သူတို့ရဲ့ ရွှေခေတ်ဖြစ်ခဲ့တယ်
Debut Album ဖြစ်တဲ့ Forgiven, Not Forgotten ဟာ UK နဲ့ Australia မှာ Platinum အဆင့်ဝင်တာက အစပြုပြီး အိုင်းရစ် Band တစ်ခုဖြစ်တဲ့ The Corrs ဟာ ဂီတလောကရဲ့ စောင့်ကြည့်ခြင်းကို ခံလာရတယ်

1997 မှာ Original ထုတ်ပြီး 1998 မှာ Re-release အနေနဲ့ ပြန်ထုတ်ခဲ့တဲ့ Talk on Corners Album ကတော့ The Corrs ရဲ့ ပုံရိပ်လို့ ပြောလို့ရလောက်အောင်ကို အောင်မြင်ခဲ့တယ် 

Multi-Platinum အဆင့်အနေနဲ့ UK နဲ့ Australia မှာချိတ်တယ် နောက်ပိုင်း ဆက်တိုက်အောင်မြင်လာပြီး BRIT Award for Best International Band ဆုအထိ ရခဲ့တယ်

1999 မှာ MTV’s Unplugged ကို Ardmore Studios, Co. Wicklow, Ireland မှာ Live ဖျော်ဖြေခဲ့ပြီး အဲ့ဒိ Live အခွေဟာ 2.7 Million အထိရောင်းချခဲ့ရပါတယ်

2000 ပြည့်နှစ်မှာတော့ အောင်မြင်မှုရဲ့ အဓိကလမ်းကြောင်းပေါ်ကို In Blue ဆိုတဲ့ Pop Album နဲ့အတူ ရောက်လာခဲ့ပါတယ် 

ဒီ Album စရောင်းချခဲ့တဲ့ ပထမဆုံးအပတ်မှာပဲ UK, Ireland, Australia, Germany, Switzerland နဲ့ Australia တို့မှာ အရောင်းစာရင်း နံပါတ် တစ် ဖြစ်ခဲ့တယ် ဒုတိယအပတ်မှာတော့ ဆွီဒင်နဲ့ စပိန်မှာ နံပါတ် တစ် ဖြစ်လာတယ်
အဲ့ဒိ Album နဲ့ပဲ The Corrs တွေဟာ Platinum sales in the US, Double platinum in the UK နဲ့ Quadruple platinum in Australia ဆိုတဲ့ ဂုဏ်ဒြပ်တွေကို ပိုင်ဆိုင်ခဲ့ကြတယ်

အခု Link ချပေးထားတာကတော့ Unplugged အခွေလေးပါ အခွေကြည့်ပြီး နားထောင်ဖူးသူတွေကတော့ အိုင်းရစ်လေးယောက်ရဲ့ ချစ်စရာမျက်နှာလေးတွေကို ပြန်မြင်ယောင်မိကြမယ်ထင်ပါရဲ့ (အခုတော့ အသက်တွေအတော်ကြီးကုန်ကြပြီ)

Zip ဖိုင်ပဲ Download ပေးဆွဲတာတွေ့လို့ Zip အနေနဲ့ပဲ Download Link ကို ပေးထားတာပါ

The Corrs MTV Unplugged

ညတွေကို အေးချမ်းစေတဲ့ သီချင်းလေးတွေ ဖြစ်ကောင်းဖြစ်နိုင်ပါရဲ့ဗျာ

Admin : ည

Caroline Georgine Corr
(Born Dundalk, Ireland, 17 March 1973)
drums, bodhran, backing vocals

James Steven Corr
acoustic and electric guitars, keyboards, backing vocals
(born Dundalk, Ireland, 31 July 1968)

Sharon Helga Corr
violin, backing vocals
(born Dundalk, Ireland, 24 March 1970)

Andrea Jane Corr
lead vocals, tin whistle 
(born Dundalk, Ireland, 17 May 1974)

Add caption

နံရိုးပုံပြင်

နံရိုးပုံပြင်

                                      

အစက ဒီလိုဗျ။

မောင်အာဒမ်တစ်ယောက် ဘယ်အလေလိုက်နေမှန်း မသိခိုက်မှာ

ဧဝနှစ်ယောက်ဟာ ကောက်ကာငင်ကာ တွေ့ကြသတဲ့။

သူတို့အကြောင်းနံရိုးလေးနှစ်ချောင်းနဲ့ ပြောမယ်ဗျာ။
ပထမနံရိုးဟာအရင်က စိတ်ပျက်ပင်ပန်းနေခဲ့တာ မှန်းလို့ရလောက်အောင်ကို ခုကျမှ တက်ကြွရွှင်လန်းနေတာ သိသာလွန်းလှရဲ့။
ဒုတိယနံရိုးကတော့သူ့ကိုယ်သူ နံရိုး မဖြစ်ချင်ဘူးလို့ ငြင်းထားတဲ့ သူ။


ကဲ! နံရိုးလေးတွေရဲ့စကားအချီအချကို နားထောင်ကြည့်ပါဦး။

ဒုတိယနံရိုးဟာစကားစ ရှာနေတယ်။ရမယ့် ရတော့လည်း အဆက်အစပ်မရှိကို စပြောတော့တာပဲ။
“နင် အရင်ခန္ဓာကိုယ်မှာ နေရတာဘယ်လို နေလဲဟင်…။

ပထမနံရိုးလေးကတစ်ချက်ငြိမ်သွားပြီး ခပ်အေးအေးပဲ ပြောတယ်။
“ဒီလိုပါပဲဟာ.. နေရတာ သက်တောင့်သက်သာ မဖြစ်ဘူးလေ။ ပြီးတော့ နံရိုးဆိုတာကလည်း ခန္ဓာကိုယ်မှာ ငါ့အပြင် အများကြီးရှိတာကိုး။ ငါဟာ သိပ်အရေးမပါသလိုမျိုး၊ အဲဒီလို အံဝင်ခွင်ကျမဖြစ်နိုင်တော့ဘူးလို့ ခံစားရတာနဲ့ငါထွက်လာခဲ့တာ။ နင်ကရော။”

ပထမနံရိုးရဲ့စကားအဆုံးမှာပဲ ဒုတိယနံရိုးဟာ တစ်ချက်ပြုံးပြီး သူ့အကျင့်အတိုင်း မြန်မြန်ဆန်ဆန်ပြောတယ်။
“ငါကကျတော့ငါ့ကို နံရိုးလို့ သတ်မှတ်လိုက်ကြတဲ့ အချိန်က စပြီး နံရိုးမဖြစ်ချင်တော့တာဟ။ အဲ့တော့လူယောင်ဆောင်ကြည့်တယ်လေ။ ဒါလည်း  မလွယ်ပါဘူးဟာ။ငါ့ကို တခြားနံရိုးတွေကရော လူသားတွေကပါ ဝိုင်းကျဉ်ကြရော..စံလွဲနံရိုးဆိုပြီးတော့………………..အင်း…တစ်ချို့တလေကတော့ သဘောကောင်းကြပါတယ်။ ပြီးတော့ ငါ့လို နံရိုးတွေလည်း ရှိသေးတယ်ဆိုတာနောက်တော့ ငါတွေ့လာရတယ်။”

စကားလည်းဆုံးရော၊ နှစ်ယောက်သား တစ်ယောက်ကို တစ်ယောက် နားလည်သွားသလို ငြိမ်သက်သွားကြပြန်တယ်။


ခဏကြာတော့ဒုတိယနံရိုးဆီက အသံထွက်လာတယ်၊ဒါပေမယ့် မသဲမကွဲ.. သူ့ဘာသာ တစ်ကိုယ်တည်း တီးတိုးညည်းလိုက်သလိုမျိုးပဲ။
“နင် နံရိုးတစ်ချောင်းကို ချစ်ဖို့ရော စိတ်ကူးကြည့်ဖူးလားဟင်။"

ဘာလို့လဲဆိုတဲ့ ရုပ်နဲ့ ပထမနံရိုးလေးက မျက်လုံးပြူးကြည့်တယ်။

“……………….”“………………………” “ငါ.. ငါနင့်ကို ချစ်သွားလို့ပါဟာ…ဒါပေမယ့် ငါက နံရိုးဆိုတော့ …..” ဒုတိယနံရိုးလေးဟာသူ့စကားကို သက်ပြင်းအရှည်ကြီးနဲ့ ရောချသွားတယ်။

ပထမနံရိုးလေးဟာအေးအေးသက်သာကို ပြုံးလိုက်ပါတယ်။
“နင်ကလည်း ဘာများလဲလို့…………၊စကားမစပ်.. နင်သိလား….လူသားကိုယ်မှာတွယ်ငင် လိုက်ပါနေရလို့ ငါတို့ကို သူတို့က နံရိုးလို့ ခေါ်ကြတာဟ..ခုနင်ရော ငါရောကိုနံရိုးလို့ ခေါ်လို့ မရတော့ဘူးလေ.…ဘယ်သူ့ကိုယ်မှာမှ ဖြည့်စွက်မှီတွယ်ပြီးလည်း မနေတော့တဲ့အတွက် ငါတို့က ငါတို့ ဖြစ်သွားပြီ…။”

ဒုတိယနံရိုးဟာအူတိအူကြောင်နားထောင်နေတယ်။ သူအမီလိုက်နေရတုန်းပဲ…။
ပထမနံရိုးဟာ အဲ့ကျမှ သဘောပေါက်သွားတယ်..သူသိပ်သိုင်းဝိုင်းနေလို့ မရတော့ဘူးဆိုတာ။

“ဒီမှာ… ငါ့ကိုကြည့်ပြီး သေချာနားထောင်ဦး… ငါလည်း နင့်ကို ချစ်တယ်ဟ၊နင့်ကို စတွေ့တည်းက ချစ်တာပဲ၊တကယ်ပြောတာ၊ နေဦး……. နင်က နံရိုး လို့ ပြောဦးမလို့လား....နင်နံရိုးလည်း ဘာဖြစ်လဲ…ငါချစ်တယ်…။”



အင်း…. အဲဒီနေ့ကစပြီးတော့ပေါ့လေ.. နံရိုးလေးတွေဟာ ထောင်လျက်သား ရှိကြရင်  တစ်ယောက်ကို တစ်ယောက် မှီထားကြတယ်၊ လှဲလျက်သား နေရရင်လည်းဘေးချင်းယှဉ်နားကြတယ်။

သူတို့ဟာနံရိုးနှစ်ချောင်းသာဖြစ်လို့ အရင်လို နံရိုး၊လူသား ဘုန်းကံ အဆင့်အတန်း တံဆိပ်ကပ်ခွဲခြားခြင်းတွေမတွေ့နိုင်တော့ဘူး။

အရင်လို နံရိုးဆိုတာခန္ဓာကိုယ်တစ်ခုမှာ ဝင်ရောက်ဖြည့်စွက်နေရသလိုသတ်မှတ်ခံရခြင်းမျိုးလည်း မရှိ၊ သူတို့ကို ကြည့်ရတာ.. နံရိုးအချင်းချင်းမို့ တစ်ယောက်ဘဝကိုတစ်ယောက် အလုံးစုံ သိနားလည်ခြင်းမျိုး ရှိနေသလို ဥတုရာသီ အလီလီ ဖြတ်သန်းနေကြတယ်။


အဟမ်း ….ကျွန်တော်တို့မေ့လျော့နေကြတဲ့ ဇာတ်လိုက်ကျော်ကြီး………..
နံရိုး ဟောင်းလောင်းနဲ့မောင်အာဒမ်တစ်ယောက်ဟာဖြင့်
နံရိုးနှစ်ချောင်းကိုခေါင်းတရမ်းရမ်းနဲ့သာ ကြည့်နေရှာပါတော့တယ်။


နမ်မီးဆစ်
17.6.2013
 6:36 Am